2026 жылдан бастап дивидендтерден салық
2026 жылғы 1 қаңтардан бастап резидент жеке тұлғалардың дивидендтеріне шкала бойынша ЖТС салынады: жылына 230 000 АЕК-ке дейінгі (қоса алғанда) дивидендтер сомасынан — 5%, асатын бөлігінен — 15%. 30 000 АЕК-ке дейінгі дивидендтерді бұрынғы босату жойылды — салық бірінші теңгеден есептеледі. ЖТС-ты дивидендтерді төлейтін ұйым (салық агенті) ұстайды.
Егер есептеу күніне тұлға қатысу үлесін немесе акцияларды үш жылдан астам иеленсе және ұйым жер қойнауын пайдаланушы болмаса, дивидендтер босатылады (ҚР СК ескертпелерімен). Шетелдік компаниялардан алынған дивидендтерді резидент 270.00 нысаны бойынша өзі декларациялайды. Бейрезиденттер үшін ҚР СК 682-бабының және халықаралық шарттардың мөлшерлемелері қолданылады.